Kryeministri i Serbisë, Ivica Dacic ka thënë të premten se në bisedimet në Bruksel me kryeministrin e Kosovës, Hashim Thaçi është definuar forma me anë të cilës dot bëhet integrimi, apo pranimi i kandidatëve serbë në Policinë e Kosovës.

“Gjatë këtyre ditëve do të hapet konkursi për pranimin e këtyre personave të MUP’it serb në Policinë e Kosovës”.

Kryeministri serb ka thënë se në takimin e djeshëm në Bruksel janë diskutuar disa “çështje statusore”, që kanë të bëjnë me kontratat e punës së këtyre policëve.

“Është arritur një marrëveshje për policinë, këto ditë do të shpallen konkursi për pranimin e këtyre njerëzve të MUP’it. Mbetet e hapur çështja e gjyqësorit për të cilët do të diskutohet në takimin e radhës më 13 dhjetor”.