Scott: Administrata Trump nuk ka ndryshuar qëndrim ndaj Kosovës

Ambasadori i SHBA-ve në Serbi, Kyle Scott ka thënë se Uashingtoni do të deklarojë një marrëveshje të mundshme ndërmjet Beogradit dhe Prishtinës vetëm kur të jetë e nevojshme.

Lajme

06/08/2018 08:11

Ai ka shtuar se nuk pret që administrata e presidentit amerikan, Donald Trump të ndryshojë në mënyrë drastike qëndrimin e tij mbi statusin e Kosovës, transmeton lajmi.net.

“Interesat e Amerikës nuk kanë ndryshuar nga presidenti në president. Ajo që ne duam më shumë se administrata e Bushit, Obamës dhe Trump është paqja dhe stabiliteti në rajon, demokracia, marrëdhëniet më të forta ekonomike, integrimi në BE. Pra nuk besoj se politika jonë do ndryshojë”, është shprehur Scott për radion beogradase.

Scott ka shtuar se Shtetet e Bashkuara besojnë se pa normalizimin e marrëdhënive dhe një marrëveshje afatgjatë midis Beogradit dhe Prishtinës nuk ka stabilitet dhe përparim në rajon.

“Është e qartë se presidenti ynë është i gatshëm për të rishqyrtuar çdo situatë, ai dëshiroj të arrijë përfundimin e asaj që ka marrë nga administrata e mëparshme”.

Ambasadori amerikan ka theksuar se zgjidhja për Serbinë dhe Kosovën duhet të vijë përmes ‘kreativitetit dhe fleksibilitetit’.

“Zgjidhja e problemit të Kosovës kërkon udhëheqës të guximshëm”./Lajmi.net/