Savicevic, deklaratë skandaloze për pranimin e Kosovës në UEFA
Presidenti i Federatës Malazeze të Futbollit, Dejan Saviçeviç, në një intervistë për portalin kroat “Index.hr”, përcjell Zëri, e ka komentuar pranimin e Kosovës në UEFA.
Sport
Legjenda e futbollit malazez ka thënë se shtëpia e futbollit evropian, është e qartë se ka bërë gabim në këtë rast, duke i shkelur statutet saj.
Sipas tij, njerëzit e UEFA-s nuk i kanë përdorur kriteret e njëjta për Malin e Zi dhe për Kosovën.
“UEFA e ka bërë një gabim të madh. Përfaqësueses së Kosovës dhe klubeve të saj duhet t’ju lejohet të luajnë, por Kosova ka hyrë në UEFA në një mënyrë mjaft ilegale. Asambleja i ka shkelur statutet e UEFA-s”, ka thënë ish-futbollisti i Milanit.
“Malit të Zi i duhej të pranohej në Kombet e Bashkuara për të qenë pjesë e UEFA-s, kurse për Kosovën nuk ishte e nevojshme kjo”, ka përfunduar Saviçeviç.
