Sarri zgjedh përforcimin e madh te Chelsea
Maurizio Sarri ka identifikuar blerjen e madhe si menaxher i Chelseat.
Sport
Maurizio Sarri ka filluar t’i planifikojë përforcimet e reja në Chelsea.
Menaxheri i ri i “Blues” ka identifikuar objektivat kryesore të afatit kalimtar të verës.
Mesfushori i Napolit, Jorginho do të ribashkohet me të në Stamford Bridge.
Por, mediat italiane raportojnë se Sarri kërkon edhe një ish futbollist të tij, përcjell “lajmi.net”.
Bëhet fjalë për sulmuesin e Juventusit, Gonzalo Higuain.
Reprezentuesi argjentinas pritet të largohet nga “Bianconerët” pas ardhjes së Cristiano Ronaldos nga Real Madrid dhe Sarri e pret te Chelsea. /Lajmi.net/