Sanchez – Chelsea, Conte zbulon gjithçka
Antonio Conte ka pranuar se ka admirim të madh për sulmuesin e Arsenalit, Alexis Sanchez, por ka përgënjeshtruar gjitha spekulimet që e lidhin kilianin me një kalim te Chelsea.
Sport
Sanchez është emri më i përfolur i këtij afati kalimtar të janarit, dhe mundësitë e tij për t’u larguar nga Arsenali, janë shumë të mëdha.
Manchester United e Manchester City shihen si skuadra favorite në garën për Sanchez, e së fundi ka pasur zëra që në garë është përfshirë edhe Chelsea.
Një pretendim të tillë, e ka hedhur poshtë sot trajneri i kësaj skuadre në konferencën për shtyp.
“Ai është një lojtar i madh, e njoh që nga koha kur drejtoja Juventusin, ne e kërkuam nga Udinese por ai shkoi të Barcelona”, ka deklaruar Conte.
“Sanchez e dinë sa shumë e admiroj, por me të nuk kemi pasur kontakte”, ka shtuar trajneri i Chelsea./Lajmi.net/