Salah i Romës
Mohamed Salah do të largohet nga Chelsea. Mesfushori është shumë pranë transferimit në Romë, në formë huazimi.
Sport
Roma është afër realizimit të një përforcimi të ri gjatë këtij afati kalimtar të janarit.
Giallorossët janë shumë pranë arritjes së marrëveshjes me Chelsean për huazimin e mesfushorit ofanziv, Mohamed Salah, ka bërë të ditur e përditshmja sportive italiane “Corriere dello Sport”.
Roma është e gatshme të paguajë 1-2 milionë euro për huazimin e tij për 18 muaj dhe 15 milionë euro të tjera për blerjen e tij pas skadimit të marrëveshjes fillestare.
Salah nuk zë vend në formacionin e Jose Mourinhos, dhe pritet të largohet nga Stamford Bridge gjatë këtij muaji.