Sa shpenzojnë maturantët kosovarë për mbrëmjen e maturës /VIDEO
Muaji maj është sezoni i mbrëmjeve të maturës. Të rinjtë festojnë që e kanë përfunduar një cikël të shkollimit, por kjo po e rendon goxha xhepin e familjeve të tyre.
Lajme
Përfundimin e tre vjetëve të shkollës e shënojnë me festë. Të veshur, ë krehur e të rregulluar deri në detaje duken si yjet kur parakalojnë në tepihun e kuq.
Por janë vetëm maturantë që po festojnë mbrëmjen e maturës për çka janë përpjekur e kanë harxhuar goxha.
As dejmtë nuk mbeten prapa vajzave kur flitet për shpenzimet, dukjet e rrobat.
Por prindërit janë ata që paguajnë edhe pse nuk ankohen.
E leverdi në këtë periudhë po kanë rrobaqepëset.
Ato thonë se maturantet e Kosovës vijnë me kërkesa për fustane që ua kanë parë në trup yjeve të Hollivudit.
Çmimi i tyre nis nga 100 euro.
Për ta plotësuar dukjen vajzave u duhet edhe grim prandaj ateletë e grimereve janë të stërmbushura.
Edhe në këtë pjesë preferencë e maturanteve janë bendet botërore.
Një tentim për tu dukur ndryshe e bëjnë edhe djemtë. Madje sipas shitësve në dyqanet e kostumeve të meshkujve ndonjëherë ata kanë kërkesa të parealizuara.
Duket se disa prej tyre më shumë brengosen për mbrëmjen sesa për testin e maturës që do t’i nënshtrohen vetëm pas pak ditësh.