Këtë e kuptojnë mjaft mirë të gjithë ata që kanë fituar varësi nga kafja. Një pjesë e nisin në shtëpi me një kafe turke, pinë një tjetër pak para pune, një në mes, një pas saj, deri sa numri i filxhanëve nuk mbahet mend.

Për fat të keq, edhe kafja ka limitet e saj, edhe pse ndikimi “përshëndetje ditë!” është i pakrahasueshëm me asgjë tjetër në botë dhe për periudhën e parë të ditës ka një efekt shumë të mirë. Por çfarë bën nëse mëngjesi të duket sikur zgjat gjatë gjithë ditës? Merr një filxhan tjetër kafe? Kur ndalon? Kur MUND të ndalosh? (shumë njerëz janë vërtet viktima të kafes, madje mund të pinë ekspres edhe në orën 22.00).

E vërteta është që çdo gjë varet nga personi. Jo të gjithë vuajnë nga pagjumësia që të shkakton kafja, në ndryshim me të tjerë. Por kur mund ta ndalësh efektin kafeinë para gjumit?

Sasia e kohës që rekomandohet të shmanget kafeina nuk është një shkencë ekzakte, pasi që askush nuk reagon njëlloj me kafeinën. Në përgjithësi, është zgjedhje e mirë të mos pini ndonjë pije me kafeinë 6 orë para gjumit.