“Aeroplanët e Rusisë nuk kanë ndërmarrë asnjë mision luftarak e as ndonjë sulm ajror në provincën Idlib”, tha nëpërmjet një deklarate të sotme, Igor Konashenkov, zëdhënës i Ministrisë së mbrojtjes së Rusisë.

Vëzhguesi për të drejtat e njeriut, që i ka vëzhguesit në terren në Siri, tha më herët se cak i sulmeve ajrore ishin pozicionet në qytet, përfshirë edhe një pozicion të tillë afër një spitali.

Drejtori i kësaj organizate, Rami Abdulrahman, tha se në mesin e të vrarë ishin 7 fëmijë.

Ministria e jashtme e Turqisë tha se nga sulmet janë vrarë më se 60 civilë dhe ka pretenduar se këto ishin krime “të paarsyetuara” të qeverive të Rusisë dhe Sirisë.

Konashenkov tha se akuzat e observatorit janë “tregim i tmerrit” dhe se deklaratat e tilla duhet të merren me skepticizëm më të madh.

Idlibi është bazë e fuqishme e grupeve kryengritëse në Siri, përfshirë Frontin Nusra të ndërlidhur me al-Kaidën.