Këto komente u bënë sot, derisa banorët në rajonet lindore, Donjeck dhe Luhansk, po votojnë, raporoton REL.

Lysenko tha se autoritetet në Ukrainë kanë hapur “hetime penale” kundër organizatorëve të votimeve.

Zyrtarët e vetëshpallur në këtë pjesë të Ukrainës lindore thonë se në këto votime zgjidhen liderët e të ashtuquajturave “këshilla popullore të republikës popullore”. 

Qeveria e Ukrainës, Shtetet e Bashkuara, Bashkimi Evropian dhe sekretari i përgjithshëm i Kombeve të Bashkuara, Ban Ki-mun thonë se këto zgjedhje janë jolegjitime.

Rusia ka thënë se do t’i njohë rezultatet e zgjedhjeve.