Deklarata është pranimi i parë formal i Moskës se mercenarët rusë kanë pësuar viktima në përleshjet në provincën Deir al-Zor, më 7 shkurt.

Deklarata nuk dha shifra të reja për numrin e rusëve të vrarë në incident.

Më 15 shkurt, zëdhënësja e Ministrisë së Jashtme ruse, Maria Zakharova, ka thënë se janë vrarë pesë rusë – që është shifër shumë më e vogël sesa raportimet e tjera.

Në ditët e fundit, media, hulumtues me burime, të afërm dhe kolegë të mercenarëve kanë thënë se shumë rusë – ndoshta dhjetëra ose qindra – mund të kenë vdekur në luftime./REL