Rugova dhe Peja edhe me një super-atraksion turistik |FOTO|
Malet e larta që të lënë pa frymë, rrjedha e lumbardhit, ajri i pastër, ngado që i hedhë sytë e gjelbra të 'verbon' e sigurisht që ky ambient i tillë ka potencialin dhe është vendi ideal për atraksione turistike të cilat ofrojnë mundësi për sportet ekstreme. Dhe duke e pasur vendin si dhe nevojën për një ambient të tillë disa të rinjë nga Peja i kanë vendosur qëllim vetes që ta vendosin Pejën dhe Rugovën në hartën e atyre që kërkojnë terrene për sporte dhe aktivititete që e rrisin adrenalinën. /lajmi.net
Lajme
Malet e larta që të lënë pa frymë, rrjedha e lumbardhit, ajri i pastër, ngado që i hedhë sytë e gjelbra të ‘verbon’ e sigurisht që ky ambient i tillë ka potencialin dhe është vendi ideal për atraksione turistike të cilat ofrojnë mundësi për sportet ekstreme.
Dhe duke e pasur vendin si dhe nevojën për një ambient të tillë disa të rinjë nga Peja i kanë vendosur qëllim vetes që ta vendosin Pejën dhe Rugovën në hartën e atyre që kërkojnë terrene për sporte dhe aktivititete që e rrisin adrenalinën. /lajmi.net
Po flasim për grupin e alpinistëve Merimangat nga Peja të cilët pas realizimit të rrugës për ngjitje në shkëmbinj në Grykën e Rugovës, dhe pas suksesit që ajo ide arriti si dhe duke e parë interesimin e Kosovarëve për atraksione të tilla, ata këtë verë vijnë me një ide të re dhe ajo është Zipline apo rrëshqitja në litar metali nga një kodër në kodrën tjetër. /lajmi.net
Virtyti Morina i Marimangave të Pejës tregon se shtegu i ngjitjes në shkëmbinj ‘Via Ferrata’ është hapur në vitin 2013 dhe se është i vetmi shteg i tillë në rajon dhe se është i rregulluar sipas standardeve Evropiane me siguri të plotë. lajmi.net
Rrugëtimi nëpër Via Ferrata, do t’ju dërgojë në një ambient të jashtëzakonshëm ku gjatë rrugës do të keni mundësinë të shihni shumë shpella dhe peisazhe të pa-përshkrueshme me fjalë, kurse lartësia që do të ngjiteni në fund të shtegut është mbi 700 metra dhe pamja me siguri është shpërblimi i gjithë mundit gjatë rrugës. lajmi.net
Dhe me siguri se risia më e fundit nga Merimangat ‘zipline’ apo rrëshqitja në litarin e metalit do të jetë një atraksion shumë interesant dhe i pari i atij lloji në vendin tonë por edhe nga të parët në rajon, do të ketë ndikimin e tij që interesimi për bukuritë natyrore të maleve shqiptare të rritet edhe tek vendasit por edhe tek vizitorët e huaj. Punët për realizmin e këtij projekti kanë filluar, dhe neve nuk na mbetet tjetër vecse të presim përfundimin dhe të shkojmë për ta provuar një përvojë të tillë. lajmi.net