Një ekip i SPRTK-së ka dalë menjëherë në vendin e ngjarjes dhe ka parë nga afër situatën, ku si pasojë e kësaj gjendjeje, punëtorëve u është pamundësuar qarkullimi për në vendin e tyre të punës dhe anasjelltas, shkruan gazeta Blic.

Vlen të theksohet se kjo situatë është përsëritur disa herë pas reshjeve atmosferike dhe se në këtë mënyrë, përveç pamundësisë për punë, po rrezikohet shëndeti i punëtorëve.

Të alarmuar me situatën, SPRTK kërkon nga menaxhmenti që të marrë masa për sanimin e gjendjes dhe krijimin e kushteve elementare për punë.

SPRTK vlerëson se situatat e tilla vijnë edhe si pasojë e investimeve të paplanifikuara dhe të improvizuara nga ky menaxhment.