Rrahje e gjuajte me armë mes të miturve në Prishtinë
Një mosmarrëveshje mes një grupi të t rinjve në Prishtinë, ka mundur të përfundojë në mënëryë tragjike.
Lajme
Kjo pasi në ngjarjen që ka ndodhur në rrugën ‘Bill Klinto’ në Prishtinë ka pasur edhe gjuajte me armë nga një person në drejtim të grupit tjetër, njofton policia.
Sipas njoftimit për këtë rast tre persona janë arrestuar.
“Janë arrestuar tre të dyshuar, meshkuj K/Shqiptarë, të moshës së mitur, të cilët pas një mos marrëveshje me tre persona viktima të mitur, meshkuj K/Shqiptarë, njëri nga të dyshuarit ka shtënë me pistoletë në drejtim të viktimave, por pa ndonjë pasojë. Në vendin e ngjarjes njësitet policore kanë gjetur dhe konfiskuar një pistoletë dhe një gëzhojë”, thuhet në njoftim.
Me vendim të prokurorit tre të dyshuar janë dërguar në qendrën e mbajtjes./Lajmi.net/