Ngasësi i Mercedesit, Nico Rosberg mposhti kolegun e tij Lewis Hamilton duke siguruar pozitën e parë në kualifikime për garën vendimtare, të fundit të sezonit në Formula 1, në Abu Dhabi.

Rosberg ishte 0.386 sekonda më i shpejtë se Hamilton, i cili arriti të dalë i dyti pavarësisht disa telasheve.

Hamilton ka 17 pikë më shumë se Rosberg dhe i nevojitet të përfundojë i dyti për t’u shpallur kampion, nëse gjermani arrin të fitojë garën.

Dyshja e Williamsit, Valtteri Bottas dhe Felipe Massa zunë pozitat tre përkatësisht katër para Daniel Ricciardos në Red Bull.

Rezultatet e plota mund t’i lexoni në fotografinë e bashkangjitur në këtë artikull.