Cristiano Ronaldo e ka pranuar se u frikësua të rikthehej, në fitoren e Real Madridit ndaj Bayern Munichut me rezultat 1:0, por insistoi se ishte i gatshëm për t’u rikthyetr në aksion në gjysmëfinale të Ligës së Kampionëve.

Përfaqësuesi portugez nuk ka luajtur që nga fitorja 3:0 e ‘Los Blancos’ në shtëpi, në çerekfinale të këtij kompeticioni, duke munguar në tri ndeshjet pasuese.

“Kisha frikë, ishte ndeshja ime e parë pas tri javësh. Disa njerëz nuk dëshironin që unë të luaja, e disa të tjerë po. Ndihesha mirë dhe jam i gatshëm për ndeshjet e ardhshme”, deklaroi fillimisht CR7 në konferencë për shtyp.

“1:0 është një rezultat i mirë. E kemi një avantazh të mirë dhe nëse shënojmë javën tjetër, do të jetë mjaft e vështirë për Bayernin të kualifikohet në finale”.

“Ndeshja e dytë do të jetë mjaft e ngjeshur. E kemi një avantazh të vogël, kështu që le ta shohim nëse kjo është e mjaftueshme”, përfundoi Ronaldo.