Ronaldo flet pas eliminimit: Jam krenar me ekipin, nuk është koha të flas për të ardhmen time

Cristiano Ronaldo ka folur për herë të parë pas eliminimi nga Kupa e Botës.

Sport

30/06/2018 23:41

Kombëtarja e Portugalisë është eliminuar nga botërori pas humbjes 2:1 nga Uruguai në Sochi.

Ylli i Real Madridit, është deklaruar krenar me ekipin e Portugalisë, stafin teknik dhe federatën. Ai po ashtu ka folur edhe për të ardhmen e tij në ekipin kombëtar.

“Ne po largohemi me kokat lartë, si kapiten i ekipit, jam krenar për ekipin, stafin teknik dhe federatën”, ka deklaruar Ronaldo.

“Nëse do të vazhdoj me ekipin kombëtar? Tash nuk është koha për të folur për të ardhmen, por mendoj se kemi një grup të madh lojtarësh”, ka shtuar ai.

Cristiano Ronaldo është 33 vjeçar, dhe në botërorin e radhës që organizohet në Katar, do të jetë në moshën 37 vjeçare./Lajmi.net/