Cristiano Ronaldo dhe Karim Benzema janë dyshja sulmuese më e mirë në histori të Ligës së Kampionëve. Kështu thonë statistikat.

Dyshja e Real Madridit ka realizuar 80 gola, më shumë se cilido çift sulmues i ndonjë skuadre tjetër në formatin e ri të garës kryesore kontinentale për klube.

Nga viti 1992, kur gara mori emrin Liga e Kampionëve, askush nuk ka shënuar më shumë se madrilenët.

Më së afërmi prej tyre janë Lionel Messi e Pedro Rodriguez nga Barcelona me 75 gola mes tyre.

Ronaldo në veçanti e ka filluar furishëm edicionin e ri dhe lehtë mund të ndodhë që ta mbyll atë me një statistikë edhe më të jashtëzakonshme të golave.

Por, sigurisht, edhe me ndihmë nga Benzema.