Roma e do Coentraon
Mbrojtësi i majtë Fabio Coentrao do të largohet nga Real Madrid gjatë afatit kalimtar të janarit. Reprezentuesi portugez kërkohet nga Roma.
Sport
Fabio Coentrao pritet të largohet nga Real Madrid gjatë afatit kalimtar të janarit. Sipas portalit spanjoll “Fichajes”, reprezentuesi portugez ka zgjuar interesim nga Roma.
Trajneri i Giallorossëve, Rudi Garcia është i pakënaqur me kontributin e përforcimit të ri Ashley Cole – i cili erdhi në klub gjatë afatit kalimtar të verës – dhe kërkon një mbrojtës të ri të majtë.
Coentrao përmbush kërkesën e tij andaj duke pasur parasysh se Coentrao nuk zë vend në formacionin bazë të Los Blancos, nga janari ai mund të jetë pjesë e Romës në Serie A, ku me siguri se do të ketë hapësirë më të madhe për lojë se që gëzon në Santiago Bernabeu.