Punë e kryer. James Rodriguez tashmë mund të konsiderohet një lojtar i Real Madridit. Për këtë janë të sigurt në Spanjë.

Madje, e përditshmja spanjolle AS raporton se sulmuesi kolumbian ka zgjedhur të vendoset në Valdebebas, në afërsi të qendrës sportive të Los Blancos.

Numri i tij i fanellës do të jetë ai 10, i cili aktualisht është i lirë, ndërsa kontrata e tij do të jetë gjashtëvjeçare, prej 7,5 milionë euro në vit.

Sipas medieve spanjolle, kampioni evropian do ta zyrtarizojë blerjen e sulmuesit të Monacos sapo ta shesë Angel Di Marian, që mund të përfundojë në Manchester United ose Paris Saint-Germain.

Nga shitja e tij, Monaco pritet të pasurohet me afro 80 milionë euro. Hera e parë që klubi mbretëror francez del në plus nga një shitje e lojtarit.