Roboti ‘da Vinci’ që po u ndihmon kirurgëve në operacione
Një robot kirurg me katër duar është roboti i parë i këtij lloji që është zhvilluar për të trajtuar sëmundjen e prostatës. Ky robot tani është duke u përdorur nga ekspertët e NHS në luftën kundër kancerit të mushkërive, gjithashtu.
Lifestyle
Kjo shpikje ka bërë që pacientët të mund të largohen nga spitali brenda dy ditëve pas operacionit, duke vuajtur vetëm nga dhimbje të vogla pas-operacionit.
Konsulenti kardiotorakal Sasha Stamenkovic thotë se roboti da Vinci është tani duke u përdorur për shumicën e operacioneve për heqjen e tumoreve në mushkëri, transmeton Lajmi.net.
Da Vinci aktivizohet nga një doktor i cili operon me një kamerë dhe një kirurg i cili manipulon me krahët e robotit nga një tastierë duke përdorur një kontrollues dore dhe pedale për këmbë.
Duart hidraulike lëvizin përderisa doktori i lëvizë ato, në mënyrë efektive duke krijuar një ‘kirurg robot’ të kohës moderne. Roboti zbulon vendndodhjen e tumorit dhe e heqë atë pa problem, duke mos shkaktuar kurrfarë dëmtimi në trupin e pacientit.
“Ky është një përparim i madh në shëndetësi dhe në luftën kundër kancerëve të ndryshëm”, thotë Stamenkovic, ekipi i të cilit performoi 30 operacione duke e përdorur këtë robot.
Ai thotë se Spitali i Newcastle, që ka dy robotë të tillë, i bleu ata për 1.2 milionë funte, dhe i ka përdorur tashmë e dy vite për operacione të prostatës, operacione gjinekologjike, mëlçisë dhe për heqjen e tumorit kolorektal. (Lajmi.net)