Robert Erzin, drejtor ekzekutiv në IPKO deri në vitin 2022 – Lajmi.net
Robert Erzin, drejtor ekzekutiv në IPKO deri në vitin 2022
Autori: Lajmi.net EkonomiLajme 13:55, 6 October 2017
Bordi Mbikqyrës i Drejtorëve në Telekom Slovenije, ia ka vazhduar mandatin dhe pozitën e drejtorit ekzekutiv të IPKO, drejtorit aktual të kompanisë - Robert Erzin deri në vitin 2022.

Vendimin për vazhdimin e mandatit ndaj Erzin është marrë nga organi më i lartë menaxhues i kompanisë mëmë, Telekom Slovenije, duke marrë parasysh suksesin dhe rritjen e vazhdueshme të IPKO-së në treg, e cila ka ndodhur nën udhëheqjen dhe lidershipin e Robert Erzin, i cili këtë pozitë e mban nga shkurti i vitit 2011.

Si drejtor ekzekutiv në IPKO, Robert Erzin ka bërë që IPKO të rritet në të gjitha segmentet e biznesit në të cilat ajo operon.

Për afro shtatë vjet si drejtor në IPKO, Erzin e ka rritur telefoninë mobile nga 25 për qind pjesëmarrje në treg në mbi 36 për qind, edhepse madhësia e tregut mobil kosovar ka ndryshuar vazhdimisht.

Përveç rritjes së madhësisë së kompanisë në tregun mobil, Erzin ka arritur që të ruajë dhe të rrisë të hyrat në telefoni mobile, përkundër trendeve tërësisht negative të tregut mobil në çdo treg, posaçërisht atë kosovar.

Në shërbimet fikse, IPKO vazhdon ta mbajë pozitën e liderit të padiskutueshëm të tregut me afro 50 për qind pjesëmarrje në treg, ndërsa IPKO e ka dyfishuar bazën e përdoruesve të saj të internetit dhe TV digjital brenda këtyre viteve.

Krahas sukseseve të jashtëzakonshme në treg si drejtor ekzekutiv në IPKO, Erzin ka arritur që të rrisë edhe investimet kapitale të kompanisë në treg – të cilat tashmë janë rreth 300 milionë euro, ka tejkaluar sfidat e shumta të tregut, duke e rritur numrin e punëtorëve në kompani si dhe ka arritur që IPKO të jetë telefonia e parë mobile e cila ka lansuar teknologjitë 3G dhe 4G në treg, si dhe marka më me peshë në industrinë e telekomunikimeve në Kosovë.

Menaxhmenti i kompanisë telekomunikuese IPKO është i bindur se nën menaxhimin e mëtejshëm të Erzin si drejtor ekzekutiv, IPKO do ta ruajë pozitën e saj udhëheqëse në treg, si dhe do të përmbush misionin e saj për t’u krijuar mundësi individëve, komuniteteve e bizneseve në Kosovë e më gjerë, që të lidhen e të zhvillohen.

Fjalët kyçe: Erzin, IPKO

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master
  • Play World Soccer Champion
  • Play Bubble Trouble
  • Play Urban Basketball