Kreu i Autoritetit Rregullator të Komunikimeve Elektronike edhe Postare (ARKEP), Ekrem Hoxha ka thënë për gazetën Tribuna se institucioni që e udhëheq ai është pjesë e iniciativës për uljen e tarifave të roamingut dhe se deri në këtë fazë nuk ka asnjë marrëveshje të arritur.

“Ende jemi në fazat punuese në nivel të rregullatorëve të shteteve të Ballkanit Perëndimor”, ka thënë Hoxha.

Ai ka njoftuar se shumë shpejt pritet të mbahet një takim punues i karakterit rajonal në Mal të Zi. Hoxha ka sqaruar se shtetet duhet të dërgojnë nga një draft marrëveshje në këtë takim dhe më pas secili shtet ka afat prej një muaji që t’i analizojë ato. (Tribuna).