Rizoto me perime dhe mish pule në tavë

Recetë për rizoto me perime dhe mish pule në tavë.

Lifestyle

28/02/2016 17:32

Përbërësit

3 copa fileto pule

200 gr oriz

60 gram bizele

2 karrota

1 spec jeshil

1 kokërr qepë

Vaj ulliri dhe kripë

Përgatitja

Në një tenxhere me ujë, shtojmë dhe pak kripë dhe vendosim pulën për të zier. Ndërkohë në një tigan hedhim pak vaj ulliri, qepën pasi ta kemi grirë dhe e kaurdisim derisa sa qepa të marri ngjyrë. Shtojmë në tigan specin, karrota dhe i kaurdisim me njëra – tjetrën. Më vonë shtojmë edhe bizelet dhe orizin dhe i përziejmë në zjarr për rreth 3 – 4 minuta. Pasi të keni mbaruar me kaurdisjen e gjithe përbërsve, vendoseni masën e përgatirur në një tepsi bashkë me pulën e zier, në mënyrë që të piqen plotësisht. Tavës me oriz dhe perime hidhini sipër lëngun e pulës. Lëreni të piqet derisa rizotua ta kete thitur të gjithë lëngun e pulës./tvklan.al