Risia në transmetim dërgon Serie A edhe në teatër e kinema

Serie A me ndryshime në transmetim në sezonin e ri.

Sport

21/07/2018 08:55

Revolucion i vërtetë pritet që të ndodhë në Itali në lidhje me të drejtat televizive të Serie A, një risi e aprovuar nga asambleja e Federatës Italiane të Futbollit.

Duke filluar nga ky sezon, ndeshjet e Serie A mund të transmetohet drejtpërsëdrejti edhe në kinema e teatro, të cilat duhet të jenë të pozicionuara rreth 80 kilometra larg stadiumeve.

Kjo nismë ndërmerret për të tërhequr sa më shumë spektatorë, edhe ata që nuk janë të abonuar në Sky e DAZN, transmeton “SS”.

Kinematë do të jenë kryesisht ato të zinxhirëve të mëdhenj, por mund mos të përjashtohen edhe ato më të voglat, nëpër lagje, por edhe teatrot. Do të nevojiten disa karakteristika teknike për të garantuar transmetimin sipas standardeve të parashikuara nga Liga e Futbollit.