Rikthehet Chelsea

Chelsea iu rikthye fitores pas dy disfatave të njëpasnjëshme nga Everton në Premierligë, dhe Basel në Ligën e Kampionëve. Skuadra e Jose Mourinhos mposhti Fulhamin 2-0 në Stamford Bridge në një tjetër ndeshje ku golat u realizuan nga mesfushorët. Pjesa e parë nuk solli asnjë gol pavarësisht disa rasteve të mira për shënim, për të…

Sport

21/09/2013 19:26

Chelsea iu rikthye fitores pas dy disfatave të njëpasnjëshme nga Everton në Premierligë, dhe Basel në Ligën e Kampionëve.

Skuadra e Jose Mourinhos mposhti Fulhamin 2-0 në Stamford Bridge në një tjetër ndeshje ku golat u realizuan nga mesfushorët. Pjesa e parë nuk solli asnjë gol pavarësisht disa rasteve të mira për shënim, për të dyja skuadrat.

Por, braziliani i talentuar Oscar i kaloi vendasit në epërsi duke realizuar nga afërsia në minutën e 52-të. Kurse, fitoren e Chelseas e siguroi mesfushori nigerian John Obi Mikel i cili në minutën e 84-të e shënoi golin e tij të parë pas 185 paraqitjesh për gjigantin londinez.

Me këtë fitore, Chelsea u ngjit në krye të Premierligës me 10 pikë, aq sa ka edhe Liverpool që më herët gjatë ditës humbi në shtëpi nga Southampton.

Por, ekipi i Mourinhos mund të tejkalohet nesër në rast të fitoreve të Arsenalit dhe Tottenhamit që aktualisht kanë nga një pikë më pak.