Reus në Liverpool?
Liverpool është favorit për transferimin e yllit të Borussia Dortmundit, Marco Reus, menjëherë gjatë afatit kalimtar të janarit.
Sport
Liverpool është afër arritjes së marrëveshjes për transferimin e Marco Reusit dhe Borussia Dortmund ka filluar kërkimin për zëvendësuesin e tij, raportojnë mediat britanike.
Reds janë shndërruar në favorit për transferimin e Reusit pasi u njoftuan se ai ka refuzuar vazhdimin e kontratës me klubin e Bundesligës.
Liverpool ishte pritur të paraqes ofertë për Reusin në fund të sezonit, por njoftimet e fundit sugjerojnë se gjiganti anglez do të tentojë blerjen e tij në janar.
Dortmund ka filluar kërkimin për një zëvendësues dhe ka identifikuar mesfushorin kreativ të Patis Saint-Germain, Javier Pastore, si futbollistin e duhur.