Reus, më afër Realit
Marco Reus do të transferohet në Real Madrid, në rast se vendos të largohet nga Borussia Dortmund, në fund të këtij sezoni.
Sport
Real Madrid vazhdon të monitorojë yllin e Borussia Dortmundit, Marco Reus. Mesfushori ofanziv gjerman vazhdon të refuzojë përpjekjet e klubit për vazhdimin e kontratës me Dortmundin.
Dhe, kjo ka paralajmëruar drejtuesit e Los Blancos që përcjellin situatën e tij me mundësi të paraqitjes së një oferte për shërbimet e tij, raporton “Fichajes.net”.
Reus ka kërkuar kohë nga Dortmund para se të vendos nëse do të nënshkruajë kontratën e re, ose të vendos të vazhdojë karrierën në ndonjë ligë tjetër, pasi klubi vështirë se do të lejojë transferimin e tij te rivali Bayern Munich, njësoj siç i ka ndodhur në vitet e fundit me dyshen Mario Gotze dhe Robert Lewandowski.
Andaj, nëse largohet nga Dortmund, Reus mund të transferohet në Madrid.