Rekord i ri i ngasjes së veturës me vetëm dy rrota (Video)
Kompania që prodhon vetura “Nissan” ka arritur të bëj një rekord të ri sa i përket ngasjes së veturës me vetëm dy rrota, por, kjo nuk do të thotë që do të prodhojnë motoçikleta.
Fun
Shoferi britanik Terry Grant ka vozitur një Nissan Juke Nismo RS për një milje (1.6 km) duke qenë i balancuar në dy rrota në vetëm 2 minuta dhe 10 sekonda, duke realizuar kështu një rekord të ri për kohën më të shkurtë në largësinë e përmendur.
Por, nuk ishte vetëm rrugë e drejtë. Ai voziti veturën në të ashtuquajturin Festivali i Shpejtësisë “Goodwood” ku ai voziti në një vijë që përmbante 9 kthesa dhe 91 metra ndryshim të lartësisë.
Rekordi paraprak, i cili tashmë renditet i dyti, ka qenë poashtu një rekord që mbante i njëjti shofer, i cili tash qëndron 45 sekonda prapa rekordit të ri. Por, sipas librit të rekordeve “Guiness”, rekordi i parë për distancën më të gjatë për vozitjen me gomat anësore është 230 milje (370 km).