Migrantët kanë kërcyer mbi hekurudha në Biqke, duke u munduar të ikin nga policia e cila i ndiqte pas. Në mesin e migrantëve ishte edhe një familje, që ishin personazhet kryesorë në objektivin e kamerave të medieve ndërkombëtare, transmeton lajmi.net.

Në disa fotografi shihet qartë se si babai mundohet të mbrojë bashkëshorten dhe beben e tyre, por policia hungareze nuk pati pikë mëshire.

Qeveria hungareze ka urdhëruar që kufijtë e vendit të mbyllen plotësisht për migrantët deri më 15 shtator, me ç’rast refugjatët me çdo kusht janë duke u përpjekur të arrijnë në Evropën Perëndimore.

Të veshur me uniformë luftarake, policia ka urdhëruar migrantët që të tërhiqen, por shumë prej tyre u kanë rezistuar. Disa prej tyre madje janë kacafytur me policë, duke u munduar të kthehen në tren.

Por skena më dramatike ndodhi, kur një burrë me bashkëshorten dhe beben e tyre, disi arritën deri tek hekurudhat, ku edhe janë ulur në shenjë proteste.

Në ato momente në drejtim të tyre janë nisur 12 policë, duke u munduar ti largojnë nga hekurudhat. (lajmi.net)