Real Madrid mund të jetë prapa Barcelonës në La Ligë, mirëpo është mbi të në listën më të re të klubeve me përfitimet më të mëdha gjatë sezonit 2012-13.

Sipas renditjes së publikuar nga Deloitte, Los Blancos kryesojnë me 518.9 milionë euro të hyra gjatë stinorit të shkuar, para Barcelonës me 482.6.

Kurse, vazhdojnë vuajtjet e Manchester Unitedit. Kampioni i Premierligës, për herë të parë nga viti 1996 nuk zë vend në mesin e tri ekipeve të para, pasi tani janë të katërtit prapa Bayern Munichut.

Mirëpo, edhe pse pësuan rënie në renditje, gjiganti nga Old Trafford a shtuar të hyrat nga 395.9 milionë euro në 423.8 milionë euro. Paris Saint-Germain është i pesti para Manchester Cityt, Chelsea dhe Arsenalit.

Kurse, dhjetë pozitat e para kompletohen nga kampioni i Italisë, Juventus dhe rivali Milan.

Top 10:

1. Real Madrid: 518.9 milionë euro

2. Barcelona: 482.6

3. Bayern Munich: 431.2

4. Man Utd: 423.8

5. Paris Saint Germain; 398.8

6. Manchester City: 316.2

7. Chelsea: 303.4

8. Arsenal: 284.3

9. Juventus: 272.4

10. Milan: 263.5