Reagimi i Jesus kur e kuptoi se Firmino do t’ia zë vendin te Brazili
Brazili do të zhvillojë dy ndeshje miqësore me SHBA dhe Salvador.
Sport
Gabriel Jesus nuk ka pasur paraqitjet më të mira me kombëtaren e Brazilit.
Në ndeshjet e kampionatit botëror, ishte Jesus ai që startoi në të gjitha ndeshjet e luajtura nga Brazili. Trajneri Tite i besoi të riut që aktivizohet me Manchester City, mirëpo, ky i fundit nuk e justifikoi besimin e trajnerit.
Paraqitjet jo të mira në Rusi, si duket kanë bërë që trajneri Tite të mos e ftojë fare 21 vjeçarin për miqësoret e radhës.
“Dua që të luaj çdo ndeshje, si me Cityn ashtu edhe me Brazilin. Nuk do të thotë se jam i inatosur me ndonjë nga federata. E pranoj se edhe të tjerët kanë të drejtë të provohen, në këtë rast Roberto Firmino, i cili po kalon një formë fantastike me Liverpoolin” është shprehur Jesus.
Jesus ishte në listën e realizatorëve në ndeshjen e fundjavës me Manchester City, në të cilën “ The citizens” e fituan me rezultat 6:1 kundër Huddersfield. /Lajmi.net/