Rashica deklarohet pas super-golit që ia shënoi E. Frankfurtit
Milot Rashica golin e fitores të shënuar në fund të ndeshjes ndaj Eintracht Frankfurt, ua ka kushtuar tifozëve të Werder Bremen dhe bashkëlojtarit të tij, Pavlas.
Sport
Werder Bremen mori tre pikë nga udhëtimi te Eintracht Frankfurt, skuadër të cilën e mposhti 1:2, me golin e Rashicës në minutën e 96’.
Pas ndeshjes, Rashica është prononcuar shkurt për faqen zyrtare të Werder Bremen.
“Goli ishte për tifozët dhe Pavlas. Ishte e tmerrshme ta shihje të shtrirë në atë gjendje”, ka deklaruar Rashica.
“Jemi të lumtur që fituam”.
Ky ishte goli i parë i Rashicës këtë sezon, ndërsa një xhiro më parë regjistroi një asistim në barazimin e skuadrës së tij./Lajmi.net/