Ramadani: Vendimi i sotëm për Haradinaj mund të jetë përcaktues mbi Kosovën

Burim Ramadani  ka vlerësuar se vendimi për Ramush Haradinajn, i cili do të merret sot në Francë mund të jetë përcaktues për Kosovën.

Lajme

12/01/2017 13:44

Ai më anë të një postimi në facebook ka thënë se Haradinaj do të triumfojë ndaj kësaj shpifje, por që shteti i Kosovës duhet të kuptojë rolin dhe të vërtetën e vet.

Njohësi i çështjeve të sigurisë ka thënë se vendimmarrësit në Kosovë mund të vijnë në momentin kur duhet të zgjedhin ”Ramushin apo Serbinë”.

Postimi i plotë i  Ramadanit:

”Vendimi i sotëm në Francë mund të jetë përcaktues mbi Kosovën!

Ramushi do të triumfojë pa dilemë ndaj kësaj makinerie të shpifjeve dhe urrejtjes.

Por, shteti i Kosovës duhet të kuptojë rolin dhe të vërtetën e vet!

Vendimi i sotëm mund të kthehet në vendim mbi Kosovën, mbi qëndrueshmërinë e Kosovës dhe të ardhmen.

Vendimmarrësit në Kosovë mund të vijnë në momentin kur do të duhet të zgjedhin” mes Ramushit dhe Serbisë!