Qindra qytetarë marrin pjesë në funeralin e foshnjës së vdekur (Foto)
Vajzat fillojnë të luajnë me kukulla që në moshë shumë të re, për të praktikuar artin e amësisë. Por çfarë i detyron ato që të marrin masa drastike kur fëmijët të kenë lindur?
Bota
Në shkurt të vitit 2016, disa udhëtarë mes Universitetit Parks dhe Marston, Oksford ishin tmerruar kur e kanë gjetur fëmijën e vogël të mbështjellë në një qese të zezë, të shtrirë përgjatë rrugës, transmeton lajmi.net.
Skena ishte shokuese dhe e tmerrshme. Ata menjëherë i njoftuan autoritetet dhe detektivi Jim Holmes bëri fotografitë.
Ai ishte prekur shumë, sidomos nga sytë e vajzës, të cilën e quajti Raihana, që do të thotë Lule e Parajsës.
“Duke pasur dy fëmijë, e di sa e vështirë është që t’ju vësh një emër. Mirëpo në këto rrethana ishte e rëndësishme t’i vihej një emër, ky do të jetë i vetmi përkujtim për të,” tha Holmes.
Holmes bëri më të mirën e tij për të gjetur familjarët, që t’i njoftojë për ta marrë foshnjen e vdekur. Ai gjithashtu bëri apel në publik për ndihmë që të gjejnë lokacionin e familjes përmes konferencave për shtyp.
Mirëpo askush nuk kishte ardhur…
Kështu, Këshilli i qytetit dhe Policia, së bashku aranzhuan funeralin për vajzën. Ata vendosën që ta varrosnin vajzën në orën 1, të martën e 18 tetorit, 2016.
Holmes nuk ishte i sigurt se do të vinte ndokush në varrimin e foshnjes. Mirëpo, kur pa qindra persona duke ardhur edhe nga të gjitha shtetet e Amerikës, ai u prek shumë. Njerëzit shprehën respektin e tyre, duke vendosur petale trëndafili dhe lule të tjera në tokë.
Një trëndafil i bardhë ishte vendosur mbi kufin dhe në pllakë ishte e shënuar “Foshnja Rihanna, e lindur në gjumë, shkurt 2016.”
Shumë njerëz vendosën lodra, lule, shënime pranë varrit të foshnjes Rihanna.
Detektivi i kishte bërë një premtim foshnjes. Që pavarësisht të gjithave, do ta gjente nënën e saj. /Lajmi.net/