Qeveria miraton marrëveshjen për zgjerimin e rrjetit të Termokosit në Prishtinë
Qeveria e Kosovës në mbledhjen që e ka mbajtur sot ka miratuar marrëveshjen e Kosovës me qeverinë gjermane, në lidhje me përmirësimin e Ngrohtores së qytetit të Prishtinës.
Lajme
Qëllimi i kësaj marrëveshje është zgjerimi i rrjetit ekzistues edhe për pjesët e tjera të Prishtinës, raporton lajmi.net
Arsyetimi i kësaj marrëveshje është bërë nga ministri i Financave, Bedri Hamza.
Ai ka thënë se kjo vetëm është një vazhdim i raporteve të mira të qeverisë së Kosovës me Gjermaninë.
“Qëllimi i kësaj marrëveshje është zgjerimi i rrjetit ekzistues edhe për pjesët e tjera të Prishtinës. Fondi është 10 milionë euro, dhe i gjithi është grant nga qeveria gjermane”, ka thënë Hamza në mbledhjen e qeverisë.
Në mëngjes, Haradinaj deklaroi se kjo marrëveshje ndikon edhe në uljen e ndotjes së ajrit.
Lagjet që janë raportuar si të parat që do të hyjnë në furnizimin me ngrohje nga Termokosi janë Kalabria dhe Mati 1.
Në këtë mbledhje gjithashtu u vendos edhe për financimin e projektit për furnizim me ujë në Ferizaj. /Lajmi.net/