I qeth flokët zero në ditën e dasmës për një arsye prekëse
Joan Lyons mori vendimin që në ditën e dasmës t’i priste flokët zero, njësoj si bashkëshorti, për t’i treguar mbështetjen e saj. Craig vuan nga kanceri në pankreas dhe gruaja e tij vendosi që ta përkrahë në ditën më të lumtur të jetës së tyre.
Lifestyle
Çifti kishin qenë miq për më shumë se 30 vjet, por ai i tregoi ndjenjat asaj vetëm 18 muaj më parë.
“Ishte hera e parë që e shikoja Joan pa flokë dhe dukej shumë e bukur, mahnitëse,” tha ai për “Daily Mail”.
“Rashë në dashuri me të sapo e pashë kur ishim vetëm 14 vjeç. Unë isha i turpshëm për t’i treguar si ndihesha, ndërkohë që ajo kishte qenë e martuar dhe më parë, por për mua ka qenë vetëm ajo. Është gruaja e ëndrrave të mia”.
Përveç aktit që bëri për të treguar dashurinë ndaj partnerit të saj, Joan vendosi t’i dhuronte flokët në një qendër për fëmijët e sëmurë me kancer, në mënyrë që t’i ndihmonte edhe ata./shekulli