PZAP nesër publikon vendimet e ankesave të PDK-së dhe LDK-së – Lajmi.net
PZAP nesër publikon vendimet e ankesave të PDK-së dhe LDK-së
Autori: Lajmi.net LajmePolitikëZgjedhjet Lokale 2017 13:14, 3 December 2017
Paneli Zgjedhor për Ankesa dhe Parashtresa gjatë ditës së nesërme do të publikojë vendimet e ankesave nga partitë dhe kandidatët për rezultatet përfundimtare që janë shpallur nga KQZ-ja.

Këtë e ka konfirmuar për lajmi.net kryetari i Sekretariatit të PZAP-së, Mulë Desku.

“Vendimet lidhur me ankesat e parashtruara nga subjektet politike pas publikimit të rezutateve përfundimtare nga KQZ-ja për kryetarë të komunave në raundin e dytë do të bëhen publike gjatë ditës së nesërme, jo sot”, ka thënë Desku për lajmi.net.

Afati i PZAP-së për shqyrtimin e këtyre ankesave është 72 orë.

Ky institucion kishte nisur shqyrtimin e ankesave të partive qysh nga dita e premte.

Me ankesa prijnë Lidhja Demokratike e Kosovës dhe Partia Demokratike e Kosovës.

LDK-ja është ankuar për rezultatet në Prishtinë, Dragash, Kamenicë dhe Istog, kurse PDK-ja ka dërguar ankesë për Prizrenin, Rahovecin dhe Klinën.

Ankesa ka bërë edhe kandidati i pavarur për kryetar të Shtimes, Fatmir Rashiti.

Ndryshe, që nga shpallja e rezultateve PDK dhe LDK kanë mbajtur konferenca ku kanë pretenduar se në ditën e zgjedhjeve ka pasur manipulime.

Në Istog KQZ-ja dje ka vendosur që të rivotohet me 17 dhjetor, pas vendimit nga PZAP dhe Gjykata Supreme. /Lajmi.net/

Fjalët kyçe: Ankesat, LDK, pdk, PZAP

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Urban Basketball
  • Play Stealth Sniper
  • Play Supercar Showdown
  • Play Pro Kicker Frenzy