Putin viziton Krimenë disa ditë para mbajtjes së zgjedhjeve në Rusi – Lajmi.net
Putin viziton Krimenë disa ditë para mbajtjes së zgjedhjeve në Rusi
Autori: Lajmi.net BotaLajme 17:40, 14 March 2018
Presidenti rus, Vladimir Putin ka arritur në Krime më 14 mars, katër ditë para mbajtjes së zgjedhjeve presidenciale në Rusi.

Ai pritet të jetë pjesë e disa organizimeve për të shënuar përvjetorin e katërt të mbajtjes së referendumit në Krime, i cili është përdorur nga Moska vetëm si justifikim për të aneksuar rajonin e Ukrainës.

Para se të arrinte në Krime, Putin ka vizituar punimet në ndërtimet e urës, që pritet të lidhë Gadishullin e aneksuar me disa territore ruse.

Punimet për ndërtimin e kësaj ure patën nisur më 2016.

Zëdhënësi i Kremlinit, Dmitry Peskov, ka thënë më herët se vizita e Putinit në Krime do të jetë ngjarja kryesore në fushatën e tij para votimeve të 18 marsit.

Duke reaguar në vizitën e Putinit, presidenti ukrainas, Petro Poroshenko ka thënë se ky hap ka qenë “provokim jashtëzakonisht i rrezikshëm”, dhe i ka bërë thirrje Bashkimit Evropian për të vendosur sanksione kundër, “atyre që zhvillojnë takime për fushatën zgjedhore të Rusisë në territorin ukrainas”.

Qeveria e Putinit ka aneksuar Krimenë në mars të vitit 2014, pasi miku i Moskës, presidenti i atëhershëm i Ukrainës, Viktor Yanukovych, është larguar nga shteti pas protestave në rrugë, në të cilat kërkohej qeveri pro-Perëndimore.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO