Punimet në përfundim, Superligës i shtohet edhe një stadium i mirë – Lajmi.net
Punimet në përfundim, Superligës i shtohet edhe një stadium i mirë
Autori: Lajmi.net SportSporti Vendor 17:00, 11 July 2018
Punët në kompletimin e infrastrukturës përcjellëse në stadium “Zahir Pajaziti” në Podujevë, tribunat dhe zhveshtoret, pritet të përfundojnë deri në fillimin e kampionatit të ri futbollistik. Kështu pret kryetari i Podujevës, Agim Veliu.

Ai, me Ibër Alajn, drejtor i Departamentit të Sportit në Ministrinë e Kulturës Rinisë dhe Sportit (MKRS), vizituan sot këtë stadium, ku janë duke u realizuar punimet në ndërtimin e tribunave dhe infrastrukturës përcjellëse.

Sipas njoftimit për media, ata u ndanë të kënaqur me dinamikën e zhvillimit të punimeve në realizimin e këtij projekti.

Kryetari i Podujevës, Veliu, u shpreh optimist se punët në kompletimin e infrastrukturës përcjellëse në stadium, tribunat dhe zhveshtoret, do të përfundojnë deri në fillimin e kampionatit të ri futbollistik.

“Pas ndërtimit të fushës me bari sintetik, në stadium u krijuan kushtet për lojëra cilësore, kurse me finalizimin e ndërtimit të tribunave shikuesve u ofrohet komoditet, që në sezonin e ardhshëm futbollistik të përcjellin ndeshjet e FC ‘Llapi’ në këtë stadium modern”, tha kryetari Veliu.

Ndërtimi i tribunave dhe infrastrukturës përcjellëse në Stadiumin “Zahir Pajaziti” është investim i përbashkët i MKRS-së, Komunës së Podujevës dhe Federatës së Futbollit të Kosovës.

 

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO