Punimet në hyrje të Prishtinës do të përfundojnë brena 55 ditëve – Lajmi.net
Punimet në hyrje të Prishtinës do të përfundojnë brena 55 ditëve
Autori: Lajmi.net EkonomiLajme 12:40, 5 May 2018
Ministri i Infrastrukturës, Pal Lekaj ka thënë se punimet në zgjerimin e rrugës në hyrje të Prishtinës, të cilat kanë nisur sot do të përfundojnë brenda 55 ditëve.

 

Ai ka thënë se vlera e kësaj rruge të gjatë rreth 600 metra do të kushtojë 800 mijë euro.

Lekaj me anë të një postimi në facebook ka thënë se kompania kontraktuese për këtë rrugë do të ketë mbikëqyrje të rreptë si në kualitet poashtu edhe në dinamikë të ndërtimit, respektivisht zbatimit të kontratës.

Postimi i plotë i Lekaj:

Sot filluan punimet për zgjerimin e rrugës nacionale N25.2 segmenti në hyrje të qytetit të Prishtinës.

Ky segment i parë i punimeve është i gjatë rreth 600 metra, brenda tij do të përfshihen të gjitha investimet mbi dhe nëntokësore (rrjeti i ujësjellësit, ai i ujërave të zeza, atyre atmosferike, zhvendosja e rrjetit kabllor energjetik e postar, etj) duke mos lënë anash edhe ndriçimin dhe sinjalizimin modern i cili do t’i jep pamje krejt të re kësaj pjese, e cila do të lidhet me qarkoren e kryeqytetit tonë, Prishtinës.

Kjo rrugë do ti ketë katër shirita duke përfshirë dhe ata emergjent, në fund të kësaj pjese do të ketë një rrethrrotullim që të jep mundësi me vazhdu për në Gjilan dhe për të Pallati i Drejtësisë.

Vlera e kësaj kontrate është rreth 800 mijë euro, kompania i ka në dispozicion 55 dite punë dhe do të ketë mbikëqyrje të rreptë si në kualitet poashtu edhe në dinamikë të ndërtimit, respektivisht zbatimit të kontratës./Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO