Ky është sheshi ku ndodhet stacioni qendror dhe katedralja e Këlnit, zonë në të cilën natën e vitit e ri 90 gra u sulmuan seksualisht dhe shumë të tjerë u grabitën nga një bandë prej një mijë personash. Video amatore në të cilën janë filmuar festimet e natës së ndërrimit të viteve u publikua nga një revistë lokale gjermane.

Siç duket qartë edhe nga imazhet, turma përbehet kryesisht me të rinj, të cilët hedhin fishekzjarrë jashtë stacionit të trenit ngjitur edhe me katedralen e famshme të Këlnit.

Ajo që ndodhi në këtë shesh mes 31 dhjetorit të 2015 dhe 1 janarit të 2015u bë e ditur për mediat vetëm disa ditë më vonë, pas denoncimeve të disa grave për ngacmime seksuale. Policia identifikoi tre prej te dyshuarve teksa shprehu shqetësimin se banda ka op eruar e organizuar dhe nuk bëhet fjalë për ngjarje të cilat ndodhin rëndon gjatë festës së Vitit të Ri si pasojë e konsumit të alkolit apo edhe kaosit nëpër rrugë.

Autoritet lokale thanë se autorët e ngjarjes kanë origjinë arabe dhe nga Afrika veriore. Kancelarja gjermane reagoi të enjten për ngjarjen nga Rumania ku ndodhej në një vizitë zyrtare, duke u shprehur se përgjegjësit do të dalin para drejtësisë. Duke i quajtur sulmet të neveritshme , ajo tha se nuk përjashtohet mundësia e përshpejtimit të procedurave të ekspulsit për të gjithë ata që kryejnë krime në Gjermani.