Publikohet video e shkurtër e filmit horror “Escape Room”

Autorët e “Escape Room” e kanë publikuar paraqitjen e parë të shkurtër zyrtare për filmin e ri horror.

ShowBiz

21/10/2018 23:56

Premiera e këtij filmi është caktuar për datën 4 janar 2019, ndërsa fansat e kanë mundësinë të shohin disa fragmente nga projekti i ri.

Ngjarja përcjell gjashtë të huaj që ndodhen në rrethana jashtë kontrollit të tyre dhe duhet ta përdorin trurin për të mbijetuar.

Në fakt duhet ta zgjidhin gjëegjëzën për të ikur nga dhoma e vdekjes, t’i gjejnë gjurmët ose të vdesin.

Ndërkaq, në sekretet e tyre ndodhet çelësi për të ikur nga kjo situatë.

YouTube player

Adam Robitel e ka bërë regjinë e këtij horrori të tensionuar, derisa skenarin e kanë shkruar Bragi F. Schur dhe Maria Melnik.

Rolet kryesore i interpretojnë Logan Miller, Deborah Ann Woll, Taylor Russell, Tyler Labine, Jay Ellis e Nik Dodani. /Telegrafi/