Në rregullore përcaktohen kriteret e përgjithshme dhe të veçanta për sponsorizime, lëshimin vërtetimit dhe formën e tij, si dhe procedurën e raportimit vjetor për sponsorizimin e realizuar, sipas ligjit për sponsorizim.

Ligji për sponsorizim është mundësi e artë për federatat, klubet, sportistët dhe Komitetin Olimpik të Kosovës (KOK-u), që të kenë mbështetje nga sponsorët.

Bizneset, të cilat sponsorizojnë aktivitetet e sportit, u njihet zbritja 30 për qind nga tatimi në fitim.

Rregullorja hyn në fuqi shtatë ditë pas nënshkrimit të ministrit, të bërë më 23 janar 2018.

Me këtë rast, KOK-u fton të gjitha bizneset që paguajnë tatim në fitim, të bëhen pjesë e sponsorizimit të klubeve, federatave dhe Komitetit Olimpik të Kosovës, në mënyrë që bashkarisht të bëhemi pjesë e sukseseve të sportistëve tanë.

Rregulloren mund të gjeni në linkun e mëposhtëm:

Shkarko rregulloren