Publikohet lista anti-Portugali, Valdet Rama jashtë
Gianni De Biasi e ka publikuar listën prej 24 futbollistëve, të cilët janë ftuar për ndeshjen kualifikuese për Euro 2016 ndaj Portugalisw. Valdet Rama ka mbetur jashtë listës.
Sport
Trajneri i Kombëtares Shqiptare, Gianni De Biasi e ka publikuar listën e lojtarëve që do të grumbullohen në prag të ndeshjes së parë eliminatore me Portugalinë.
Befasia më e madhe bie në sy lënia jashtë e Valdet Ramës, i cili ishte pa klub (një ditë më herët firmosi me Munchen 1860).
Pjesë e listës nuk janë as dy të dëmtuarit, Migjen Basha e Alban Meha, ndërsa që mungon edhe Armando Sadiku.
Në mesin e 24 të ftuarve , “debutuesi” me ekipin A do të jetë mesfushori i Odd-it ne Norvegji, Herolind Shala.
Ndryshe, pas një dëmtimi të gjatë rikthehet në kombëtare Burim Kukeli, ndërsa që është ftuar edhe i shumëpërfoluri Taulant Xhaka, që ani pse ishte në listë disa herë nuk arriti të debutonte në asnjë ndeshje.
Pjesë e listës së Kombëtares janë edhe emra si Balaj apo edhe Cikalleshi, që duket se po i fiton zemrën pak nga pak italianit, shkruan Asport.
Ndryshe ndeshja me Portugalinë luhet më 7 shtator në Aveiro të Portugalisë.
Lista e plotë:
1. Etrit Berisha
2. Orges Shehi
3. Ansi Agolli
4. Lorik Cana
5. Debatik Curri
6. Elseid Hysaj
7. Emir Lenjani
8. Andi Lila
9. Mergim Mavraj
10. Amir Abrashi
11. Ervin Bulku
12. Ergys Kace
13. Burim Kukeli
14. Taulant Xhaka
15. Emiljano Vila
16. Bekim Balaj
17. Sokol Cikalleshi
18. Shkelzen Gashi
19. Jahmir Hyka
20. Edmond Kapllani
21. Odise Roshi
22. Hamdi Salihi
23. Armando Vajushi
24. Herolind Shala