PSG vendos rekord të ri në Ligue 1

Paris Saint Germain derisa po marshojnë sigurt drejt titullit të radhës në Ligue 1, po vazhdojnë të vendosin rekorde të reja.

Sport

12/01/2019 22:10

Skuadra e drejtuar nga Thumas Tuchel, ka shënuar fitoren e radhës në ligë, duke e mundur 0-3 Amiens.

Me këtë fitore, PSG ka arritur në kuotën e 50 pikëve pas 18 ndeshjeve.

Kjo e arritur është një rekord në futbollin francez, pasi asnjë skuadër nuk kishte arritur numrin e 50 pikëve pas 18 ndeshjeve, shkruan lajmi.net.

Kampionët dhe liderët, vazhdojnë të kryesojnë bindshëm në Ligue 1, duke lënë pas tyre Lille, që ka mbledhur 37 pikë.

Nëse PSG vazhdon me këtë ecuri, është rrugës së mirë të arrijë kuotën e 100 pikëve në fund të sezonit./Lajmi.net/