Protestuesi në Hong-Kong u kërkojnë falje qytetarëve për shqetësime!
Manifestuesit pro demokracisë, që kanë bllokuar rrugët e Hong Kong-ut, e respektojnë me skrupull shprehjen "fushatë e mosbindjes civile". Fjalë për fjalë.
Bota
Protestuesit që mblidhen me mijëra sish që prej të dielës së kaluar nëpër rrugët e ish-kolonisë britanike, tani pjesë e Kinës, por me sistem politik ndryshe, kanë si shqetësim kryesor që protestat të zhvillohen në mënyrën më civile që të jetë e mundur, transmeton ATSH-në gazeta shqiptarja.com.
“Na falni për shqetësimin!”, lexohet në shumë pankarta të ngjitura në majë të shkopinjve.
Hong Kongu njihet për disiplinën e shtatë milionë banorëve të tij.
Njerëzit presin autobusin në radhë dhe askush nuk kërkon të kalojë tjetrin.
Sjelljet e këqija, që u atribuohen kinezëve që vijnë nga kontinenti, si pështyrja në tokë, veprime të dënuara me gjobë, apo të lënit e fëmijëve të plotësojnë nevojat personale në mes të rrugës, shkaktojnë vazhdimisht indinjatë.
Qyteti figuron mes vendeve më të sigurta në botë.