Protestë kundër ndërtimit të hidrocentraleve në Kaçanik

Me rastin e shqyrtimit të çështjes së ndërtimit të hidrocentraleve në Lumin Lepenc, nga Kuvendi Komunal i Kaçanikut, Organizata për mbrojtjen e mjedisit Gjethi” dhe shoqata e peshkatarëve “Trofta e Lepencit” në Kaçanik, organizojnë nesër protestë kundër ndërtimit të hidrocentraleve në Kaçanik.

Lajme

27/02/2017 18:57

“Për të gjithë qytetarët e Kaçanikut që të martën, me datën 28.02.2017 duke filluar nga ora 10:00 deri në orën 11:00, të takohemi para Objektit Komunal për të kundërshtuar ndërtimin e këtyre hidrocentraleve në Lumin Lepenc. Me atë rast ne kundërshtojmë: Futjen e ujit në gypa për kilometra të tërë, shkatërrimin total të ekosistemit, dëmtimin e mjedisit natyror dhe peizazhit me vlera shumë të larta,  humbjen e potencialeve bujqësore dhe turistike, humbjen e mundësisë për shijim të natyrës dhe mundësisë për sport dhe rekreacion, dhe shumë dëmtime tjera me përfitime minimale’, thuhet në njoftimin e Organizatës për mbrojtjen e mjedisit Gjethi” dhe shoqatës së peshkatarëve “Trofta e Lepencit” në Kaçanik.