Protestat anti-Trump, 29 të arrestuar në Oregon

Në Shtetet e Bashkuara kanë vazhduar protestat kundër presidentit të zgjedhur, Donald Trump.

Bota

11/11/2016 15:08

Në Portland të Oregonit ato janë kthyer në dhunë.

Disa mijëra qytetarë janë mbledhur në qendër të këtij qyteti; disa prej tyre kanë thyer dyqane dhe xhama makinash dhe u kanë vënë flakën mbeturinave.

Policia ka arrestuar 29 veta. Protestat në qytete të tjera kanë qenë më të qeta.

Trump ka shkruar në Twitter se protestat janë të padrejta dhe se nxiten nga mediat.

Protestuesit, shumica të rinj, thonë se presidenca e Trumpit do të krijojë ndarje të thella përgjatë linjave racore dhe gjinore.

Ndryshe, Trump ka takuar të mërkurën në Shtëpinë e Bardhë presidentin Barack Obama, i cili është zotuar për një tranzicion të qetë të pushtetit.