Kjo pasi VV nuk do të jetë pjesë e kësaj partie dhe për këtë arsye, shumë analistë besojnë se kjo protestë do të jetë një matës i mirë për të parë në të vërtetë fuqinë e AAK-së  Nismës.

Politologu Donik Sallova deklaroi për gazetën Zëri se protesta e së shtunës do të dëshmojë edhe në praktikë se opozita nuk mund t’i imponojë Qeverisë kërkesat e saj.

“Protesta e së shtunës do të dëshmojë se opozita e përçarë nuk do t’ia dalë t’ia imponojë qeverisë, kërkesat e saj”, tha Sallova.

Sipas tij, protesta e së shtunës do të dëshmojë se AAK e Nisma pa LVV nuk do të arrijnë të mobilizojnë as elektoratin e tyre, sidomos pas dezertimeve që po ndodhin në mënyrë të veçantë te Nisma.

“Ndryshimi i lidershipit në PDK, do  ta ndryshojë edhe qasjen e AAK-së e NIsmës ndaj pushtetit. Ndoshta kjo do të jetë protesta e tyre e fundit, protestë që nuk do të mbahet mend ndonjëherë”, tha Sallova.

Përndryshe, AAK e Nisma kanë bërë thirrje për protestë popullore për të shtunën në orën 14:00.